നീ പോവുക
പാഥേയമില്ലാത്ത
പാന പാത്രങ്ങളില്ലാത്ത
ഈ യാത്രയില്
പിന്വിളികള്ക്ക്
ചെവി കൊടുക്കാതെ
നീ പോവുക ....
ജീവിതത്തിൻറെ
പെരുക്കപ്പട്ടിക
കാണാതെ
പഠിക്കുന്ന തിരക്കില്
നീ മറന്നു വച്ച സ്വപ്നങ്ങള്
പിന് തുടര്ന്നേക്കാം
തിരിഞ്ഞു നോക്കരുത് ....
നിനക്ക് താണ്ടുവാന്
വഴികളേറെയാണ് ..
ദിക്കറിയാത്ത നേരങ്ങളില്
നേരുള്ള നക്ഷത്രങ്ങളും
മേഘ കുഞ്ഞുങ്ങളെ
മഞ്ഞിന് ചിറകിലൊളിപ്പിക്കുന്ന
മാലാഖമാരും
നിനക്ക് വഴികാട്ടികളാകും....
സൂര്യഗോള ത്തെയും
നിലാവ് പാടങ്ങളെയുംമറികടന്ന്
നീ നിൻറെ സ്വപ്നരാജ്യത്തിലെത്തും..
പക്ഷെ ...
പോവുമ്പോള്
നീ നിൻറെ നോവുകളെ
കൂടെ കൂട്ടാന്
മറക്കരുത് ..............
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
Comments