ഇഷ്ടം

ഇഷ്ടം

ഇഷ്ടമാണെനിക്കിഷ്ടമാണെൻറെ 
മുറ്റത്തെ പൂമരച്ചില്ലയിൽ 
ചേർന്നിരുന്നു പാടും കിളികളെ ..

ദൂരെയെങ്ങോ പൂക്കും കിനാവിൻറെ 
നേർത്ത ഗന്ധം പകർന്നു പോം കാറ്റിനെ 
സാന്ത്വനത്തിൻ മൃദുമന്ത്രമോതുന്ന 
സൌമ്യമോലും പുഴതന്നോളങ്ങളെ 

വർണമേളങ്ങൾ വാരി പുതയ്ക്കുന്ന
പൊൻപളുങ്ക് ശലഭങ്ങളെയും
കുഞ്ഞു പൂക്കളെ യുമ്മവച്ചുറക്കുന്ന
ആർദ്രനീലനിലാവിനെയും
സാന്ദ്രനീലിമ നെഞ്ചിൽ തുടിക്കുന്ന
സാഗരത്തിൻ നിശബ്ദ സംഗീതത്തെയും

നിൻറെ കണ്ണിലെനിക്കു മാത്രമായ്
ചിമ്മി നില്ക്കും താരങ്ങളെയും ....