പുനര്ജന്മമെന്ന ഒന്നുണ്ടെങ്കില്
എനിക്കും
അമ്മക്കുളിരില് മുഖം പൂഴ്ത്തുന്ന
വര്ണ്ണപ്പീലിത്തുണ്ടായി ജനിക്കണം ...
അച്ഛന്റെ കൈവിരല്ത്തുമ്പിലെ
സുരക്ഷിതസമൃദ്ധിയിലൊതുങ്ങണമെനിക
കുഞ്ഞുകൌതുകങ്ങളെ നെഞ്ചോടു ചേര്ത്ത് ,
വാഴക്കുടപ്പനിലെ തേന് നുകര്ന്ന് ,
പുഴമനസ് രാകിമിനുക്കിയെടുക്കുന്ന
വെള്ളാരം കല്ലിനൊപ്പം
മുങ്ങാംകുഴിയിട്ട് ............
നിലാവ് കൈവച്ച ജമന്തിപ്പാടങ്ങളില്
അലസമായിപ്പടര്ന്നു താളം പഠിക്കുന്ന
കാറ്റോടു ചേര്ന്ന്
പൂക്കളുടെ ഗന്ധം മുത്തിയെടുത്ത് ,
ആകാശത്ത് അദൃശ്യ ചിത്രങ്ങ-
ളെഴുതിമായ്ക്കുന്ന പൂമരച്ചുണ്ടുകളില്
സ്വപ്നങ്ങളുടെ പളുങ്കുമണികള്
കോര്ത്തുവയ്ക്കണം ........
കര്പ്പൂര ഗന്ധമുള്ള കനക സന്ധ്യകളില്
പ്രണയിനിയുടെ മിഴിത്തിളക്കത്തിന്റെ
കരുതലില്
തിരമാലകളെ കേട്ടിരിക്കണം .....
ഒടുവില്
അതിരെഴാത്ത മോഹങ്ങളുടെയും
അവ്യക്ത ദുഖങ്ങളുടെയും
അകമ്പടിയോടെ
മണ്ണിന്റെ മടിയില് ലയിച്ച്
വീണ്ടുമൊരു നക്ഷത്രമായി .......______
നിലാവ് കൈവച്ച ജമന്തിപ്പാടങ്ങളില്
മറുപടിഇല്ലാതാക്കൂഅലസമായിപ്പടര്ന്നു താളം പഠിക്കുന്ന
കാറ്റോടു ചേര്ന്ന്
പൂക്കളുടെ ഗന്ധം മുത്തിയെടുത്ത് ,
ആകാശത്ത് അദൃശ്യ ചിത്രങ്ങ-
ളെഴുതിമായ്ക്കുന്ന പൂമരച്ചുണ്ടുകളില്
സ്വപ്നങ്ങളുടെ പളുങ്കുമണികള്
കോര്ത്തുവയ്ക്കണം ........ VERY NICE....
കാലം കഴിയവേ എല്ലാം ചാരം മൂടിയ ഓര്മകളായി അവശേഷിക്കും
മറുപടിഇല്ലാതാക്കൂ