നക്ഷത്ര മൌനം
ഭൂമിയില് പ്രണയ താളം
തുടിക്കുന്ന രാവുകളില്
നിലാവിൻറെ
കൈവഴികളിലൂടെ
ആകാശം ഒഴുകി വന്ന്
ഭൂമിയെ ചുംബിക്കാറുണ്ടത്രെ ..
പുതു മഴയുടെ ആലസ്യത്തില്
പച്ചപ്പിൻറെ പൊടിപ്പുകള് വിടര്ത്തി
രോമാഞ്ചം കൊള്ളുന്നഭൂമിയെ
മഞ്ഞത്തൂവലുകള്
പൊതിയുന്ന സന്ധ്യയില്
മഴവില്ത്തുണ്ടിൻറെ ചുംബനമേറ്റ് ചുവന്ന
ചക്രവാളത്തിലേക്ക് അലസമായി പറക്കുന്ന
പറവകളെ നോക്കി
പ്രണയ മന്ത്രം ചൊല്ലുമ്പോള്
നിൻറെ മിഴിക്കോണിലെ
നക്ഷത്ര മൌനം പറയാതെ പറഞ്ഞത് ....
കരിന്തിരി കാഴ്ചകള്
കണ്ടു പൊള്ളിയ
കൃഷ്ണമണിയുടെ കറുപ്പില്
നക്ഷത്രങ്ങളുടെ വെള്ളി വെളിച്ചം
പകര്ത്തിയെടുത്ത്
നമുക്ക് കാഴ്ചകള് കാണാം ..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
Comments